រាជធានីភ្នំពេញ៖ លោកឧបនាយករដ្ឋមន្រ្តី កើត រិទ្ធ រដ្ឋមន្រ្តីក្រសួងយុត្តិធម៌ នៅថ្ងៃទី០៤ ខែមិថុនា ឆ្នាំ២០២៤ បានចេញសេចក្ដីសម្រេចកែសម្រួលសមាសភាពក្រុមការងារព័ត៌មាន និងទំនាក់ទំនងសាធារណៈនៃគណៈបញ្ជាការដឹកនាំយុទ្ធនាការជំរុញ និងពន្លឿនការដោះស្រាយរឿងក្តីនៅតាមតុលាការ និងយុទ្ធនាការត្រួតពិនិត្យ និងដោះស្រាយភាពមិនប្រក្រតីនៅតាមតុលាការ។

បើយោងតាមសេចក្ដីសម្រេច ៤០ កយ.សសរ/២៤ សមាសភាពថ្មីនៃកែសម្រួលសមាសភាពក្រុមការងារព័ត៌មាន និងទំនាក់ទំនងសាធារណៈនៃគណៈបញ្ជាការដឹកនាំយុទ្ធនាការជំរុញ និងពន្លឿនការដោះស្រាយរឿងក្តីនៅតាមតុលាការ និងយុទ្ធនាការត្រួតពិនិត្យ និងដោះស្រាយភាពមិនប្រក្រតីនៅតាមតុលាការនេះដឹកនាំដោយលោក ជិន ម៉ាលីន រដ្ឋលេខាធិការប្រចាំការ ជាប្រធាន និងមានអនុប្រធានចំនួន ០៣រូបរួមមាន លោក សេង ឌីណា រដ្ឋលេខាធិការ,  លោក ឯម ច័ន្ទមករា រដ្ឋលេខាធិការ និងលោក គន្ធ តារ៉ាវិឆ័យ អនុរដ្ឋលេខាធិការ ព្រមទាំងលោក លោកស្រី ជាសមាជិកចំនួន ២០រូបបន្ថែមទៀត៕